**~~Irfan's collection~~**

[sagittarian]

guzarna na kabhi bhi in raho'n se tum
apni duniya main rehta hoon na hai mujhay kisi ki khabar

muhabbat ki dastaa'n kabhi suni nahi main ne
janay koun koun aya is gulshan main basnay ko laikin

is dil ka mustaqil mehmaa'n nahi banaya main ne
manta hoon k is seenay main bhi dharrakta hai dil

lakin is dil ki awaaz kabhi suni nahi main ne
intezar ki gharria'n kabhi katti nahi main ne

janena chaho tu jaan lo meri be hissi ka raz
ke apnay he maseehao'n se bhi dhooka khaya hai main ne

guzarna na kabhi bhi un rahoo'n se IRFAN ALI
ke is gali ka her rasta bend ker rakha hai main ne

[sagittarian]

thanxx arifeen bhai

meri raat din main chuppi hui
mera din chuppa kisi raat main

meri zindagi koi raaz hai
koi raaz hai meri zaat main

main jahaa'n kahee'n bhi bhattak gaya
wahaa'n girtay girtay sanbhal gaya

mujhay thookroo'n se pata chala
mera haath hahi kisi haath main

[sagittarian]

main ke do roz ka mehman tere shehr main tha

ab chala hon to koi faisla bhi kar na sakon

zindagi ki ye ghari tootta pul ho jaysay

k thehr bhi na sakon aur guzar bhi na sakon

 

mehrban hain teri ankhain magar ay moonas-e-jan

in say har zakhm-e-tamana to nahi bhar sakta

aysi benam musafat ho to manzil kaysi

koi basti ho basyra he nahi kar sakta

 

tu kay aysa dil aram shajar hai jisne

mujh ko is dasht-e-qayamat say bachaye rakha

aik ashufta saro aabla pa ki khatir

kabhi zulfon kabhi palkon ko bichaye rakha

 

dukh to har waqt taaqub main raha kartay hain

youn panahon main kahan tak koi reh sakta hai

kab tak rait ki dewar sambhalay koi

wo thakan hai kay mera jism bhi dhe sakta hai

 

ajnabi log naye log parai galiyan

zindagi aysay karaim main katay gi kaysay

teri chahat bhi muqadas teri qurbat bhi bahisht

dayes pardayes ki doori ghatay gi kaysay

 

naguzeer aj howa jaysay bicharna tera

kal kissi roz mulakat bhi imkan main hai

main ye pairhan-e-jan kaysay badal sakta hon

kay tera hath meray dil kay gareeban main hai 

[sagittarian]

WAFA

yehi WAFA ka sila hai tu koi baat nahi
ye derd tum ne dia hai tu koi baat nahi

yehi buhat hai k tum dakhtay ho sahil se
safeena doob raha tu koi baat nahi

rakha tha Ashiyana-e-dil main chuppa k tum ko
wo ghar tum ne chorr dia to koi baat nahi

tum he ne aiena dil mera banaya tha
tum he ne torr dia to koi baat nahi

kis ki  majaal k koi mujh ko deewana kahay
agar ye tum ne kahaa hai tu koi baat nahi

[sagittarian]

Phir kisi yad nay shab bhar hay jagaya mujh ko


Phir kisi yad nay shab bhar hay jagaya mujh ko
Kiya saza di hay mohabat nay khudaya mujh ko

Din ko aaram hay na rat ko hay chain kabhi
Janay kis khaak say qudrat nay banaya mujh ko

Dukh to yeh hay keh zamanay main milay ghair sabhi
Jo mila hay woh mila ban kay paraya mujh ko

Jab koi bhi na raha kandha meray ronay ko
Ghar ki deewaron nay seenay say lagaya mujh ko

Uoon to umeed-e-wafa tum say nahein hay koi
Phir charaghon ki tarah kis nay jalaya mujh ko

Bewafa zindagi nay jab chorh diya hay tanha
Maot nay piyar say pehloo main bithaya mujh ko

Woh diya hoon jo mohabat nay jalaya tha kabhi
Gham ki andhi nay sar-e-sham bujhaya mujh ko

Kaisay bhoolon ga wohi wasl kay lamhay
Yad aata raha zulfon ka hi saya mujh ko

[sagittarian]

*** MUHABBAT CHUP NAHI REHTI ***


Vo Mujh Se Poochti Hay, Mujh Se Baatein Kiun Nahi Kartey?
Main Kehta Hoon, Abhi To Dekhney Ki Manzilon Par Hoon
 
Vo Mujh Se Poochti Hay, Shaam Kiun Veeran Hoti Hay?
Main Kehta Hoon, k Yeh To Hijr Ki Pehchan Hoti Hay
 
Vo Mujh Se Poochti Hay, Ratjago Ka Rung Kaisa Hay?
Main Kehta Hoon, k Jaisy Jagney Walay Ki Aankhon Ka
 
Vo Mujh Se Poochti Hay, Hijr Ki Qismein b Hoti Hain?
Main Kehta Hoon, k Jitney Wisal Utney Hijr Hotay Hain
 
Vo Mujh Se Poochti Hay, Pyar Ka Matlub Batao Ge?
Main Kehta Hoon, k Har Ik Baat Ka Matlub Nahi Hota
 
Vo Boli, Raastey Mein Dard k Kitney Samander Hain?
Main Bola, Aakhri Jo Zabt Se Bahir Nikal Aaye
 
Vo Boli, Ab To Mujh Mein Zabt Ka Yaara Nahi Baqi
Main Bola, Doobney Ko Phir To Tum Tayyar Ho Jao
 
Vo Boli, Kayenaatein Iss Qadar Simti Hui Hain Kiun?
Main Bola, Iss Qadar Vussat Kahan Se Aayi Hay Tum Mein?
 
Vo Boli, Bey Saropa Zindagi Se Kya Hua Hasil?
Main Bola, Kuch b Ho,Kuch b Na Ho, Akhir Ajal To Hay
 
Muhabbat Mein Safar Kitna Zaroori Hay? Vo Kehti Hay
Main Kehta Hoon, Muhabbat Mein Kahin Thehra Nahi Jata...!!!

[Abida]

wah wah segi kamal  kia ha   deir aaed  darost aaed

[sagittarian]

Sehra ki janab aaj tak mein kabhi nikla nahein
phir bhi mera phata gireban kabhi sila nahein
 
Jiss se milne ki rahi chah umar bhar
woh shakhs tu mujhay kabhi milla nahein
 
chalta rah woh mere sath qadam ba qadam
phir bhi uss ko mein ne kabhi dekha nahein
 
soorat e mujasam hay woh meri nazron ke saamne
soorat se  magar usski mein hi aashna nahein
 
utar ata hey khiyalon ki vadiun mein kissi bhi janab se
uske aane ka sirf kehkashan hi raasta nahein
 
tasawar mein tu rah woh hamesha mere sath saath
paekar uska wajood mein mujh se hi dhala nahein

[sagittarian]

Aankh khuli to phir

Aankh khuli to phir khwaab chale gaye
jii behlane ke saare bahaane chale gaye

yaad rehta nahi kuch bhi yaad kiye bina
yaadoN me khokar jeene ke sahare chale gaye

gham bhi gaya, khushiyaN bhi gaye
ek ek karke sab yaar chale gaye

har tasawwur me dekha tere chehre ko
har shaks ko khuda banakar chale gaye

chupaya na jaye logoN se meri dil ki raghbat
teri furqat ke sholay ragoN me chupakar chale gaye

sirf dil hi tha tera sabse bada khazaana 'jags'
phir kyun usey ek ajnabee pe lutakar chale gaye

[SnOw DolL]

v.nice sharing segi keep it up 

[mutesinger]

...Wah, wah, bohat khoob, keep it up buddy 

[SnOw DolL]

Kabhi manzil k raaste main rehber na mila
bohat se log mile mera humsafar na mila

har ik qadam per rahi  muntazir chanv mager
Tumhare pyar k sehra main ek bhi shager na mila

bana k bhes fakiron ka phire basti main
per jis pe dastak deti kahin wo dar na mila

wo jis ko dhondhti phirti thi main hok pagal
use tu paa lia main ne,mera dil mager na mila

Sabhi ne per lia chehre pe likha  kissa-e-gum
jahan se gum ko chupanay ka ik hunar na mila

buhat hai shor tere dil ki dharkan ka
jahan se door bhi ai,sakoon mager phir bhi na mila

[sagittarian]

Khawabon ka aik jazeera ho
jugnouon ka jahan basera ho


koi wahan tak jaa nah sake
aana janaa sirf tera mera ho


batein hoon sargoshiyan hoon
muskrata tera chand chera ho


zulfon se teri mein khela karon
teri palkon ka mujh pe pehra ho


jheel kinare jugno hoon mehve raqs
dhalti shaam ka surmai sa andhera ho


chand sitare istiqbal kiya karein
uss nagar jab bhi humara phera ho


nah khatam hone wali hoon batein
aisi raat ka kabhi nah sawera ho


meri nazrein kiya karein parastash
aur tawaf ke liye hussan tera ho.


aisi ho duniya jahan sab ik se hoon IRFAN
....nah ho koi chota,nah koi vadera ho

[sagittarian]

Main Aiyna Hoon

Main Aiyna Hoon,Vo Mera Khayal Rakhti Hai
Main Toot-ta Hon Tu Chun Kar Sambhal Rakhti Hai,

Har Aik Maslay Ka Hal Nikal Rakhti Hai
Zaheen Hai,Mujhay Hairat Main Daal Rakhti Hai,

Main Jab Bhi Tark-e-taluq Ki Baat Karta Hoon
Woh Rokti Hay Mujhay,Kal Pay Taal Rakhti Hai,

Woh Mairay Dard Ko Chunnti Hai Apnay Pooron Say
Woh Mairay Wastay Khud Ko Nidhaal Rakhti Hai,

Woh Dobnay Nahi Daiti Hai Dukh Kay Darya Main,
Mairay Wajood Ki Naow Uchaal, Rakhti Hai,

Duain Uss Ki , Balaoon Ko Rook Laiti Hain?
Vo Mairay Chaar Su Hathon Ki Dhaal Rakhti Hai,

Ik Aisi Dhunn,Kay Nahin Phir Kabhi Main Nay Suni
Vo Munfarid Saa Hansi Main Kamal Rakhti Hai,

Usay Nadamatain Mairi Kahan Gawara Hain,
Vo Mairay Wastay Asaan Sawal Rakhti Hai,

Bichar Kay Uss Say Main Duniya Ki Thokaron Main Hon
Vo Pass Ho Tau Mujhay Lazawaal Rakhti Hay,

Woh Muntazir Mera Rehti Hay Dhoop Main
Main Laut-ta Hoon To Chahoon Nikal Rakhti Hai.

[JAMI]

IRFAN bhai kia rang hai mehfil ka!       really