Rangon Ki Rangin Dastan
Har rang apne andar aik dastan rakhta he. Ye dastan kahin rangin to kahin be rang or pheeki hoti he.
Ye rang humari shakhsiyat k bhi bht se raz kholte hen.
1) Green: Ye rang sehat mandi ko zahir karta he. Sabz rang ko pasnd karne wale log saliqa mand hote hen. Ye log bht zahin hote hen. Or zamane k badalte hoe nat naye andaz jald apna lete hen. Dusre log in k andaz-e-guftagu se mutasir hote hen.
2) Yellow: Ziyada tar log peele rang ko nafrat ya judai ka rang samjhte hen. Halanky asa kuch bhi nhi he. Ye rang tasawur pasnd hone ki ilamat he. Ise pasnd karne wale log hoshyar or mushkilat par qabu pane wale hote hen. Lekin khayali dunya min magan rehte hen. Or ise qat’I na pasnd karne wale afrad ba-amal or haqiqat pasnd hote hen.
3) Brown: Brown rang dosti ka rang he. Is rang ko pasnd karne wale bht jald dosti kar lete hen. Mukhlis hone k sath ye log qabil-e-aitmad or aram pasnd bhi hote hen.
4) Blue: Neela rang shohrat ki ilamat he. Is rang ko pasnd karne wale afrad bht hasas or mehman nawaz hote hen. Bat karne se pehle aik bar sochte zarur hen. Jo log is rang ko na pasnd karte hen. Un ki tabiyat min be-cheni ka ansar bht paya jata he.
5) Gray: Is rang ko zehni salahyaton se wabasta kia jata he. Gray rang ko pasnd karne wale afrad agarcha jismani lihaz se ziyada mazbut nhi hote. Lekin wo zehni salahyaton min had darja kamal rakhte hen.
6) Purple: Jamni rang ko purisrar samjha jata he. Ise pasnd karne wale jhagralu qisam k or ziyada tar ahsas-e-kamtari min mabtala hote hen. Un ki shakhsiyat har-dil-aziz nhi hoti. Shayad is ki waja ye bhi he k ye bare moody hote hen.
7) Pink: Gulabi rang muhbat or narmi ko ujagar karta he. Ise pasnd karne wale hazrat husan parast hote hen. Ye log apne andar aik khas kashish rakhte hen. Khush ikhlaq or dostana tabiyat k malik hote hen.
8) Red: Ye rang bahaduri or jawani ka rang he. Jo log surkh rang ko pasnd karte hen wo be-khof or pu josh hote hen. Libas k bare min bht mohtat hote hen. Baz oqat aisi galtiyan kar guzarte hen jin k bai’is unhen bht dukh uthana parta he.
9) Black: Siyah rang sanjidgi ki ilamat samjha jata he. Is rang ko pasnd karne wale afrad fashionable or gehri shakhsiyat k malik hote hen. Ye log wafa dar or pur kashish hote hen.
10) White: Safed rang pakizgi or nafasat ki ilamat he. Ise pasnd karne wale bht safai pasnd hote hen. Shafeeq or qadre tanqid pasnd hote hen. Dunya min apna nam peda karma chahte hen. Nafrat or muhbat donon shaded qisam ki karte hen. Lekin ziyada tar nafrat se gurez karte hen.
Author