Dedicate Poetry Here...

[mutesinger]

...I'm goin to start new topic inwhich you can dedicate your favorite poetry to anyone, so let's & share your dedication in this thread.

Na vaada hai koi tum se koi rishta nibhane ka
na koi aur hi dil mai tahayya ya iraada hai
kaii din se magar dil mai
ajab uljhan si rehti hai
na tum is daastan k sarsari kirdaar ho koi
na kissa itna saada hai
taaluk jo mai samjha tha
kaheen us se ziyada hai

Dedicate to my best friend

[$unny]

very nice mute ilike that 


               

[mutesinger]

...Tu bhi ker na dedicate kisi ko phir 

[segittarian]

dedication  to my bro 

aankhain numm nahi kertay
itna ghum nahi kertay...!!!!
jo chutt jaye ................
dukh us ka kertay hain!
jo chore jaye.................
us ka matum nahi kertay!

[mutesinger]

...Yeh Shair apnay Best Friend kay Naam

bicher k mujh sy kabhi tu nay yeh bhi soocha hai
adhoora chand bhi kitna udaas lagta hai
rakh rakhaow MOHABBAT seekha gai hai uss ko
wo rooth ker bhi mujhay muskura ker milta hai

[muneezamansoor]

This poetry is dedicated to my dear friend

koi Hum-Nafas nahi hai koi Raazadan nahi hai
Faqat Ek Dil tha Apna so wo Meharban nahi hai

kisi aur Ghum mai itni Khalish-e-Nihan nahi hai
Ghum-e-Dil mera Rafiq-o-Ghum-e-rayegan nahi hai

Meri Rooh ki Haqeeqat mere Aansuon se pucho
Mera Majalisi Tabassum mera Tarjuman nahi hai

Kisi Aankh ko sada do kisi Zulf ko pukaro
Bari Dhoop par rahi hai koi Sayebaan nahi hai

Inhi Pattharon pe chal ker agar aa sako to aao
Mere Ghar k Raaste mai koi Kahakashan nahi hai

[sweetsandrila]

this 1 for my best friend.

dil se dard ka rishta istawar rehta hai
us ko her ghari mujh per ikhtiar rehta hai
us ko to to bichadne k dhang bhi nahi aate
mujh se door reh k bhi mere paas rehta hai.

[segittarian]

this one for my friend ...

Inhin Raaston Nay Jin Pay Kabhi Tum Thay Saath Meray
Mujhay Rok Rok Poocha Tera Humsafar Kahan Hai

[mutesinger]

...Dedicate To My Best Friend

Darya tha mai khaloos ka har shaks k liaye
Per boond bhar bhi mai nay mohabat na de tujay
Mai kya karoon k mairay bohat say azab thay
Bas is liay koi bhi zehmat na de tujhey

[sweetsandrila]

for my best friend

agar hum kahain aur wo muskura dain
hum un k liye zindagani luta dain
her ek mor pe ghamon ko saza dain
aao zindagi ko mohabbat bana dain.

[mutesinger]

...Dedicate To My Best Friend

maine dekha tha un dino mien usse
jab wo khiltay gulab jesa tha
uski palkoon se neend chanti thi
us ka lahja sharab jesa tha
us ki zulfoon se bhegti thi ghatta
us ka rukh mahtaab jesa tha
log parhtay thay khal o khad us ke
wo adab ki kitab jesa tha
bolta tha zaban khushbu ki
log suntay thay dharkanooon mien usse
mien dekha tha un dino mien usse
sari ankhien thein aainay uske
saray chahroon mien intekhab tha wo
ye haqeqat hai ke koi khawab tha wo
sab se ghul mil ker ajnabi rahna
ek dariya numa serab tha wo
meri neendien bhi uski nazr hoein
meine paya tha ratjagoon mein usse
meine dekha tha un dino mien usse
jab wo hans hans ke raat karta tha
dil ke khemay mein raat karta tha
rang parhtay thay aanchaloon mien usse
miene dekha tha un dino mien usse
ye magar daer ki kahani hai
ye magar daer ka fasana hai
abh us ke aur mere milaap ke haail
sadiyon bhara zamana hai
abh ke haal apna bhi dasht e hijra ki shaam jesa hai
najanay in dino wo kesa hoga??
men dekha tha un dino mein usse

[sweetsandrila]

this one for my best friend.

shab dhali chand bhi nikle to sahi
dard jo dil main chamke to sahi

wo qayamat ho sitara ho k dil
kuch na kuch hijir main tootay to sahi

hum wahin per basa lain khud ko
wo kabhi raah main rokay to sahi

sab se hat ker manana hai usey
hum se ek baar wo roothay to sahi

dil usi waqt sambhal jae ga
dil ka ehwaal wo poochay to sahi

us ki nafrat bhi mohabbat hogi
mere baare main wo poochay to sahi

us k qadmon main bicha doon aankhain
meri basti se wo guzre to sahi

us k sab jhoot bhi sach hain Mohsin
shart itni hai wo bole to sahi.

[mutesinger]

...Dedicate to my ammi

main royaa pardes mein bheegaa maa'n ka pyaar
dukh ne dukh se baat kee bin chitthee bin taar

[angel-eye]

dedicate for mute
Udasiyoon ka koi sabab ho to batlaein!!!
K hum aksar bay sabab udaas rahtay hain

[mutesinger]

...Thanx for such beautiful words