Imtsal Ka Afsana - Poetry
Ek raat baitha main bhi likhne ik afsana
kisi ko banane laga pari aur khud ko ek dewaana
phir yad ayi ek dost ki kahani
aur yad ayi woh pariyon jaisi rani
dono ek deis mein rehte the
pyar mein jeete marte the
pari hansti khelti thi
noor har jaga kerti thi
ek din ek zalim ne us pari ka dil tor dia
us din us pari ne zindagi se moo mor lya
shehzada us ki halat pe zaroqitar rone laga
uske paas baith kar fryad us se karne laga
(tum chor ke mujh ko na jao,tum chor kar mujh ko na jao)
pari usko rota dekh na saki
uth kar shehzade ke wo seene lagi
tum ko chor ke naa jaon gi
main tumhara saath nibhaogi
din khoshiyon mein guzarte gye
Raatein you hi katti gayen
ek din pari ko wapis apne deis jana para
shehzade ko tanha chor ke door us se hona para
jab bhi bahar ka mausum aata tha wo phir se ek hote the
pyar ki batein karte the pyar mein jeete marte the
zalim roop badal ke ek din phir samne aya
ab shehzade ko pyar se bhatkaya
shehzade ne ulta chakar chalaya
aur zalim ko bhi pyar ka ehsaas dilaya
zalim ka gharoor tor dya
phir moo us se mor lya
Allah ko shehzade ki ye baat pasand na ayi
aur shehzade ko dard bhari saza dilai
pari ko mot ki kashmakash mein daal dya
par pari ne zindagi dene se inkar kya
mujhe do pal shehzade ke pas jane do
uska chehra dekhne do us se bat karne do
pari ki maasoomiat dekh kar mot ko bhi us pe taras aya
par phir mot ko Allah ka hukm yad aya
pari ne apni jaan ko mot ke hawale kya
par akhri paigham-e-muhabbat ka shehzade ke naam kya
tum zindagi jeena mat chorna
tum dil kisi ka na torna
main har pal tumhare saath hun
tum hansna hansana mat chorna
ab shehzada jeeta hai aur pyar ki baatein karta hai
khud bhi hansta rehta hai dosron ko bhi hansata hai
is ghamko dil mein daba kar aj bhi woh jeeta hai
to ab tum hi batao imtsal shehzade ne ky tha gunah kya
jo zalim ka dil tor dya to kya usne tha bura kya
