Viewed : 1877 Mail to a Friend Rating :  Rate it
Submitted By : akash03453400042 (akash_musical@hotmail.com)
"Tuum chuupke se aa jaate ho"
Mein Jab Bhi Akeli Hoti Hoon,
Tum Chupkey Se Aa Jatey Ho
Aur Jhaank Kay Meri Aankhon Mein,
Beetay Din Yaad Dilatey Ho
Mastana Hawa Kay Jhonkon Se,
Har Baar Woh Pardey Ka Hilna
Pardey Ko Pakarney Ki Dhunn Mein,
Do Ajnabi Haatoun Ka Milna.
Aankhon Me Dhunwa Cha Jana,
Sasoun Mein Sitarey Se Khilna
Raasty Me Tumhara Mur Mur Kar
Takna Wo Mujhe Jatey Jatey
Aur Mera Thitak Kar Ruk Jaana,
Chilman Kay Qareeb Aatey Aatey
Nazroun Ka Taras Kar Reh Jaana,
Ek Aur Jhalak Paatey Paatey
Baaloun Ko Sukhaney Ki Khatir,
Kothey Pe Woh Mera Aa Jaana
Aur Tum Ko Muqabil Patey Hi
Kuch Sharmana, Kuch Bal Khaana
Humsayon Kay Dar Se Katrana,
Ghar Walon Kay Dar Se Ghabrana
Ro Ro Kay Tumhein Khat Likhti Hoon,
Aur Khud Pardh Kar Ro Lati Hoon
Halaat Kay Taptey Toufaan Me,
Jazbaat Ki Kashti Khayti Hoon
Kaisey Ho, Kahaan Ho, Kuch To Kaho,
Mein Tum Ko Sadayien Deyti Hoon
Mein Jab Bhi Akeli Hoti Hoon,
Tum Chupkey Se Aa Jatey Ho
Aur Jhaank Kay Meri Aankhoun Me,
Beetay Dinn Yaad Dilatey ho.........
03453400042
|
