Sakoon Ki Talaash - Poetry
Mujhe zindagi ki talab nahi na ab kisi ki talaash hai
Jo mila osi ki talaash thi na ab khoshi ki talaash hai
jo mila hai os pe sana teri jo nahi mila teri maslihat
Ab tho kuch bhi na meri chaah hai bas teri raza ki talaash hai
jisay dhoondhta tha mein dar badar na os khoshi ki talaash hai
jo mein kho chuka houn kabhi ka phir, mujhe os sakoon ki talaash hai
Jo mere dard-e-dil ki dawa kare mujhe os khoda ki talaash hai
jo hajoom-e-gham ko nigal sakay, mujhe os khoshi ki talaash hai
jo rahay hai tere charsoo tujhe os khoda ki talaash kyoun?
Jisay ain-e-Qalb se tu dikh sakay tujhe os khoda ki talaash kyoun?
Jo hajoom-e-gham mein gira hai tu, teri apni khata hai ye jaanlay
youn tu dar badar na bhatak Zubair, Khod hi mein wajhe talaash kar
Poetry By: M Zubair Liaqat
